Maiatza hilabete bikaina izan da Bizkaiko turismoarentzat, 96.000 bisitari baino gehiago izan baititu. Horrek % 13ko igoera suposatzen du, eta, horrenbestez, lurraldean Euskal Autonomia Erkidegoan erregistratutako bidaiari-sarreraren % 47,5 izan da. Bilbo-Bizkaia turismorako leku interesgarri bihurtzen ari da hilerik hilera, eta une honetan Euskadiko turismoaren lehenengo lekuan dago bidaiarien sarrerari eta egindako gau kopuruari dagokienez. Azpimarragarria da batez besteko egotaldia 1,85 egunera igo izana.
Bizkaian benetako turismo-industria sortzea, teknologia berriek sektoreari eskaintzen dizkioten aukera anitzak aprobetxatzea eta lankidetza publiko eta pribatuan sakontzea dira, besteak beste, I. BIZKAIA WORLD CAFÉ izeneko jardunaldian azpimarratu diren erronka eta aukerak. Ekitaldi hori gaur inauguratu du Bizkaiko diputatu nagusiak eta sektoreko 70 ordezkari baino gehiagok parte hartu dute.
